KamAZ logotipida kuch va chidamlilik ramzi bo‘lmish arg‘umoq aks etgan.

Uzoq yillar davomida Kama giganti o‘z logotipisiz faoliyat yuritgan. Faqat 1980- yillar oxirlariga kelib, zavod millioninchi yuk maashinasini chiqarishga hozirlik ko‘ra boshlaganda reklama bo‘limi yubiley texnikasini logotip bilan bezashga qaror qilgan. Shu tariqa KamAZ xos belgisida qadimdan Sharqda zotli tulporlarni anglatib keladigan arg‘umoq tasviri paydo bo‘ldi.

Millionchi KamAZ 1988 yilda xos belgisiz chiqarilgan bo‘lsa ham, hozirda arg‘umoq bu brendga tegishli barcha seriyali modellar radiatorlari panjarasini bezab keladi.

Kompaniya “tulporli” emblemaga ega Ferrari, Porsche, Carlsson kabi boshqa avtomobil rusumlari safidan joy olgan.